დარწმუნებული ვარ, ევროპის ჩემპიონატზე ხელბურთელთა ეროვნული ნაკრები ღირსეულად იასპარეზებს და გამარჯვებებით გაახარებს ქართველ გულშემატკივარს, - განაცხადა „ქრონიკასთან“ სპორტის მინისტრმა შალვა გოგოლაძემ.

„ასეთი დიდი გამარჯვებები რა თქმა უნდა ყოველი სპორტის განვითარებისთვის მნიშვნელოვანი წინ გადადგმული ნაბიჯია“, - აღნიშნა სპორტის მინისტრმა.

საქართველოს ხელბურთელთა ნაკრებმა საბერძნეთი დაამარცხა და ევროპის ჩემპიონატზე მეორედ გავიდა.

საქართველოს მთავრობის გადაწყვეტილებით, საქართველოს ხელბურთელთა ეროვნულ ნაკრებს ევროპის ჩემპიონატზე გასვლისთვის ფულადი ჯილდო მილიონი ლარი გადაეცემა.