თბილისის 192-ე  საჯარო სკოლაში მეცხრე კლასის მოსწავლეებს შორის ფიზიკური დაპირისპირება იყო. არსებული ინფორმაციით, მოზარდებს შორის ჩხუბი ჯერ გაკვეთილზე დაიწყო, თუმცა მასწავლებელმა სიტუაციის განეიტრალება შეძლო. ამის შემდეგ კი დაპირისპირება საპირფარეშოში გაგრძელდა.

გავრცელებული ცნობით, ერთ-ერთ მოსწავლეს ცხვირი აქვს გატეხილი. სკოლაში დღეს სასწრაფო დახმარება და საპატრულო პოლიცია გამოიძახეს.

ჯერჯერობით მომხდარზე სკოლის ადმინისტრაციას კომენტარი არ გაუკეთებია. არაფერს ამბობს არც მანდატურის სამსახური.