სირიის დედაქალაქ დამასკოზე ისრაელის საჰაერო ძალების შეტევის შედეგად ირანის ისლამური რევოლუციის მცველთა კორპუსის ერთ-ერთი უხუცესი მეთაური, გენერალი რეზა მუსავი დაიღუპა. ამის შესახებ Nexta live იუწყება.

მუსავი სირიაში ირანის ისლამური რევოლუციის მცველთა კორპუსის ლოგისტიკაზე და ფინანსურ ოპერაციებზე იყო პასუხისმგებელი. ეს ყველაზე მაღალი თანამდებობის პირია ირანში, რომელიც გენერალ კასემ სულეიმანის შემდეგ მოკლეს. სულეიმანი ამერიკული ავიაციის შეტევის შედეგად 2020 წელს ბაღდადში დაიღუპა.

თეირანში უკვე განაცხადეს, რომ მუსავის დაღუპვისთვის შურს იძიებენ. როგორც სირიაში ირანის ელჩმა ჰოსეინ აკბერიმ განაცხადა, მუსავი დიპლომატად მუშაობდა და ის „ისრაელის მიერ გამოშვებულ რაკეტებს ემსხვერპლა“.