Netflix-მა პოპულარული ანიმაციური სერიალის „არკეინის“ მეორე სეზონის გამოსვლის დრო დაასახელა. ამის შესახებ Collider-ი წერს.

გამოცემის ინფორმაციით, შოუ ეკრანებზე ნოემბერში დაბრუნდება. Netflix-მა ეს მოკლე თიზერით დააანონსა.

ფენტეზის ჟანრის სერიალი თამაშზე League of Legends არის დაფუძნებული. მოვლენები ამ თამაშის სამყაროს ორ ქალაქში - პილტოვერსა და ზაუნში ვითარდება. სიუჟეტი ორი დის - ვაის და ჯინქსის შესახებ მოგვითხრობს და გვაცნობს იმ ძალებს, რომლებმაც გოგონები ბარიკადების სხვადასხვა მხარეს მოაქციეს. ვაის ჰეილი სტაინფელდი, ჯინქსს კი ელა პერნელი ახმოვანებენ.

შოუს პრემიერა 2021 წლის ნოემბერში შედგა. სერიალმა კრიტიკოსებისგან და მაყურებლებისგან მაღალი შეფასებები მიიღო.