ავტოსაგზაო შემთხვევას, რომელიც თბილისში, ზღვის უბნის დასახლებაში (თემქაზე) გუშინ მოხდა, 22 წლის ახალგაზრდას სიცოცხლე ემსხვერპლა.

არსებული ინფორმაციით, ერთმანეთს მოპედი და სატვირთო მანქანა შეეჯახნენ. ავარიის შედეგად, მოპედის მძღოლი ადგილზევე დაიღუპა. როგორც თვითმხილველები ამბობენ, ბიჭი ინდოელი იყო.

მომხდარზე გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

„შევესწარი, საშინელება იყო... ახლაც არ ამომდის თვალებიდან“; „საწყალი ბიჭი... ისე, ეს მოპედებიც ძალიან ცუდად უძვრებიან გინდ ავტობუსებს და „მარშუტკებს“ და გინდ ტრაილეებს ქვეშ!“ - წერენ სოციალურ ქსელში.