უკრაინის პრეზიდენტი ვოლოდიმირ ზელენსკი თურქეთის პრეზიდენტს რეჯეფ თაიფ ერდოღანს ესაუბრა და არჩევნებში გამარჯვება მიულოცა.

„მე ვესაუბრე თურქეთის პრეზიდენტს, ერდოღანს. მივულოცე მას არჩევნებში გამარჯვება. დარწმუნებული ვარ, რომ ჩვენი შემდგომი თანამშრომლობა, უკრაინასა და თურქეთს შორის, ყველა დონეზე შეძლებს კიდევ უფრო მეტი სარგებელი მოუტანოს ჩვენს ხალხს და საერთაშორისო სტაბილურობას. ჩვენი რეგიონისა და მთელი ევროპის უსაფრთხოება, გლობალური სასურსათო უსაფრთხოება, საერთაშორისო სამართლის ფუნდამენტური ნორმების დაცვა არის ის, რასაც ჩვენ ერთად გავაკეთეთ და ვაკეთებთ“, - განაცხადა ზელენსკიმ.