ჩვენ შევძლებთ იმას, რომ ევროპული, 14-მილიარდიანი ინვესტიციის მოზიდვის შემდეგ ქართული ოჯახები გამთლიანდება და მათ ექნებათ მომავლის იმედი და რწმენა, - ამის შესახებ "ერთიანობა - ნაციონალური მოძრაობის" ერთ-ერთმა ლიდერმა, თამარ კორძაიამ წალენჯიხაში განაცხადა.
მისი თქმით, "წალენჯიხის მოსახლეობას ძალიან კარგად ესმის იმ ინვესტიციების მნიშვნელობა, რასაც ევროკავშირი მოგვცემს“.
„წალენჯიხის მოსახლეობას ძალიან კარგად ესმის იმ ინვესტიციების მნიშვნელობა, რასაც ევროკავშირი მოგვცემს, იმიტომ რომ ეს, პირველ რიგში, დაეტყობა იმ ადამიანებს, ვინც აქ არიან და ვინც ყოველდღიური შრომით შოულობს საჭმლის ფულს, მაგრამ ეს შრომა არ ფასდება ქვეყანაში. ეს დაეტყობა წალენჯიხელ ბავშვებს, რომლებსაც პირველ კლასში აქვთ უფასო კვება და ეს არავის არ აქვს საქართველოში. ჩვენ უნდა შევძლოთ, რომ საქართველოში ყველა მოსწავლეს ჰქონდეს უფასო კვება და ჩვენ შევძლებთ იმას, რომ ევროპული, 14 მილიარდიანი ინვესტიციის მოზიდვის შემდეგ ქართული ოჯახები გამთლიანდება და მათ ექნებათ მომავლის იმედი და რწმენა", - განაცხადა კორძაიამ, რომლის კომენტარსაც „ერთიანობა - ნაციონალური მოძრაობა“ ავრცელებს.
0
0
