ჩინეთ-აშშ-ის ეკონომიკური და სავაჭრო ურთიერთობები ორმხრივად მომგებიანია, დაპირისპირება და კონფლიქტი არ უნდა იყოს ორი ქვეყნის არჩევანი, – ჩინური მედიის ინფორმაციით, ამის შესახებ ჩინეთის პრეზიდენტმა, სი ძინპინმა, აშშ-ის არჩეულ პრეზიდენტთან, დონალდ ტრამპთან სატელეფონო საუბრის დროს განაცხადა.

სი ძინპინმა აღნიშნა, რომ ორივე მხარემ უნდა გააძლიეროს თანამშრომლობა და გააკეთოს უფრო დიდი, პრაქტიკული და კარგი საქმეები. მისივე თქმით, ეს ხელსაყრელია ორივე ქვეყნისთვის და მთელი მსოფლიოსთვის, ურთიერთპატივისცემის და მომგებიანი თანამშრომლობის პრინციპებზე დაყრდნობით მშვიდობიანი თანაცხოვრებისთვის.

ჩინეთის პრეზიდენტის განცხადებით, მსგავსი მიდგომებით, ორივე ქვეყანა წინ წაიწევს სტაბილური, ჯანსაღი და მდგრადი განვითარების გზაზე.