ჩინეთის განცხადებით, ის, ტაივანის საკითხთან დაკავშირებით, "არასოდეს წავა კომპრომისზე" - როგორც ცნობილია, 2021 წლის შემდეგ, ვაშინგტონში, ჩინეთის პრეზიდენტ სი ძინპინისა და მის ამერიკელ კოლეგა ჯო ბაიდენს შორის პირველი სამხედრო მოლაპარაკებები გაიმართა.
ჩინეთმა აშშ-ს მოუწოდა, რომ „შეწყვიტოს ტაივანის შეიარაღება“ და „სერიოზულად“ განიხილოს ჩინეთის შეშფოთების მიზეზი.
ტაივანში გადამწყვეტი არჩევნების ჩატარებამდე რამდენიმე დღით ადრე, შესაძლოა კუნძული პეკინს უფრო დაუახლოვდეს ან დაშორდეს.
ჩინეთის განცხადებით, ტაივანი მისი ტერიტორიის ნაწილია, თუმცა კუნძული თავს ჩინეთის მატერიკისგან განსხვავებულად თვლის.
„ჩინეთმა მზადყოფნა გამოთქვა, რომ, თანასწორობისა და პატივისცემის საფუძველზე, შეერთებულ შტატებთან ჯანსაღი და სტაბილური სამხედრო ურთიერთობები განავითაროს. აშშ-მ ჩინეთის შეშფოთება სერიოზულად უნდა მიიღოს. ტაივანის საკითხთან დაკავშირებით, პეკინი არანაირ დათმობაზე ან კომპრომისზე არ წავა და მოითხოვს, რომ ამერიკულმა მხარემ დაიცვას ერთი ჩინეთის პრინციპი, შეასრულოს შესაბამისი ვალდებულებები, შეწყვიტოს ტაივანის შეიარაღება და არ დაუჭიროს მხარი მის დამოუკიდებლობას“, - ნათქვამია ჩინეთის თავდაცვის სამინისტროს განცხადებაში.
თავის მხრივ, ტაივანმა განაცხადა, რომ ის კუნძულის სამხრეთ საჰაერო სივრცეში ჩინური თანამგზავრის გაშვებას მომავალ არჩევნებში ჩარევად არ მიიჩნევს.
0
0
