“ფაქტიური საცხოვრებელი რომ არ მაქვს ესეც დანაშაულია ალბათ, ჩემი სახლი რომ არ მაქვს...” - ბადრი ესებუამ პირველი განცხადება მისივე სასამართლო პროცესზე გააკეთა, სადაც მისთვის ახალ წარდგენილ ბრალთან დაკავშირებით, აღკვეთის შეფარდებაზე მსჯელობდნენ. ესებუა სხდომას ბათუმის ციხიდან, დისტანციურად ერთვებოდა.

"მე მინდა, რომ სასამართლო სხდომაზე ვიმყოფებოდე და არა აქედან, სკაიპით. ვერ დავიცავ ვერანაირად თავს, ძლივს მესმის ხმა თქვენი. უბრალოდ, აზრი არ აქვს ასე საუბარს. ადვოკატის საუბარი კი მესმოდა მაგრამ... ფაქტიური საცხოვრებელი რომ არ მაქვს ესეც დანაშაულია ალბათ, ჩემი სახლი რომ არ მაქვს..." - განაცხადა რამდენიმე მძიმე დანაშაულში ბრალდებულმა ესებუამ.

ზუგდიდის რაიონული სასამართლოს მოსამართლემ ბადრი ესებუა პატიმრობაში დატოვა.