„ერთიანობა-ნაციონალური მოძრაობის” გენერალური მდივნის მოადგილის, ირაკლი ფავლენიშვილის განცხადებით, ჭადრაკში ქალთა მსოფლიო გრანპრიზე, საპატიო სტუმრად ცოტნე ივანიშვილის მიწვევა საქართველოს, როგორც მრავალსაუკუნოვანი ისტორიისა და კულტურის მქონე ერის შეურაცხყოფაა.

"გარდა იმისა, რომ რუსულ რეჟიმს ვხედავთ, საქართველოში ვხედავთ ასევე ლათინური ამერიკის ქვეყნების დიქტატურების მსგავს რეჟიმს, სადაც დიქტატორების შვილები აკეთებენ ყველაფერს, რაც შეურაცხმყოფელია თითოეული ქართველისთვის და საქართველოს მოქალაქისთვის. არ შეიძლება, რომ ერთი დიქტატორის ოჯახი საქართველოში მომჯდარი იყოს ყველაფერზე - ეს არის ამ მრავალსაუკუნოვანი ისტორიისა და კულტურის მქონე ერის შეურაცხყოფა", - განაცხადა ფავლენიშვილმა.

როგორც ცნობილია, ,,თბილისში, მიმდინარე ქალთა მსოფლიო გრან პრის მერვე ტურის ლიდერთა შეხვედრაში, საპატიო პირველი სვლა ცოტნე ივანიშვილმა გააკეთა.”, – წერს ჭადრაკის ფედერაცია და ფაქტის ამსახველ ფოტოს აქვეყნებს