18 წლის ინდოელი მოჭადრაკე გუკეშ დომმარაჯუ ყველაზე ახალგაზრდა მსოფლიო ჩემპიონი გახდა. 

სინგაპურში გამართულ დრამატულ მატჩში, დომმარაჯუმ მოქმედი ჩემპიონი მეტოქე - ჩინელი დინგ ლირენი დაამარცხა. მატჩისთვის დაწესებული სარეკორდო საპრიზო ფონდი 2,5 მილიონი დოლარი იყო. 1886 წელს პირველ სატიტულო მატჩში ვილჰელმ სტეინიცის  გამარჯვების შემდეგ, გუკეში მე-18 მსოფლიო ჩემპიონია.

გუკეშ დომმარაჯუ პროფესიონალი მოჭადრაკე 12 წლის ასაკში გახდა. მისი მენტორი ვისვანათან ანანდია, რომელიც თავადაც მსოფლიოს ხუთგზის ჩემპიონია.