არჩევნებამდე დარჩენილია სამი თვე, სიის წარდგენამდე კი დარჩენილია ორი თვე. ტრადიციულად, ბოლო დღეს შეაქვთ ხოლმე პოლიტიკურ პარტიებს სიები ცესკოში, ჩვენც ასე ვიმოქმედებთ - სია შევა იურიდიულად გათვალისწინებულ ბოლო დღეს, თუმცა მანამდე სიის გარკვეული ნაწილი საზოგადოებისთვის ცნობილი გახდება, - ამის შესახებ პრემიერ-მინისტრმა, ირაკლი კობახიძემ ხაშურში, იუსტიციის სახლის გახსნის შემდეგ მედიასთან განაცხადა.

პრემიერის თქმით, აგვისტოს დასაწყისიდან „ქართული ოცნება“ რეგიონებში გასვლას დაიწყებს.

„რეგიონებში გვექნება აქტიური შეხვედრები მოსახლეობასთან, შეხვედრები სხვადასხვა ფორმატით გაიმართება. წინასაარჩევნო პერიოდი გვაძლევს იმის საშუალებას, რომ კიდევ უფრო მჭიდრო, უშუალო კომუნიკაცია გვქონდეს მოსახლეობასთან“, - აღნიშნა ირაკლი კობახიძემ.