სიცილიის სანაპიროსთან, ბრიტანული იახტის ჩაძირვის ადგილას, მაშველებმა 4 ცხედარი იპოვეს. ინფორმაციას CNN-ი ავრცელებს.

მათი ინფორმაციით, იტალიის სანაპირო დაცვის თანამშრომლებმა, სიცილიის პორტში, პორტიჩელოში, სამაშველო ნავიდან ცხედრების გადასატანი ოთხი შავი ტომარა გადაიტანეს. ჯერჯერობით, უცნობია, ვისი ცხედრებია ნაპოვნი.

ბრიტანეთის დროშის ქვეშ მცურავი იახტა ორშაბათს დილით ჩაიძირა, რის შედეგადაც ბორტზე მყოფი 22 ადამიანიდან ერთი დაიღუპა, 15 უვნებლად გადარჩა და 6 ამ დრომდე უგზო-უკვლოდ დაკარგულად მიიჩნეოდა.

გემის ჩაძირვა ძლიერმა ქარიშხალმა გამოიწვია.