ბრიტანეთში ისრაელის საელჩო BBC-ის ირანში მიმდინარე პროტესტის უგულებელყოფაში ადანაშაულებს, მაშინ როცა არხი ღაზის სექტორით არის „შეპყრობილი“.

„ღაზის სექტორისთვის დათმობილი BBC-ის გაშუქების მასშტაბები, მათ შორის ბოლო რამდენიმე დღის განმავლობაში, ბევრად აღემატება მსოფლიოს სხვა წერტილებში მიმდინარე ომებისა და ჰუმანიტარული კრიზისების გაშუქებას. ამავდროულად, ირანის თემაზე თითქმის სრული დუმილი გასაოცარია. მაუწყებელი, რომელიც აცხადებს, რომ გლობალურ დონეზე მიუკერძოებელია, არ შეიძლება იყოს შეპყრობილი კონფლიქტის მხოლოდ ერთი თეატრით და, ამავდროულად, თითქმის სრულად უგულებელყოფდეს იმ რეჟიმს, რომელიც მთელი რეგიონის დესტაბილიზაციას ახდენს“, - განაცხადა ისრაელის საელჩოს სპიკერმა, ალექს განდლერმა.