ბრიტანეთის ყოფილი პრემიერ-მინისტრი დევიდ კამერონი ორშაბათს სამეფოს ახალ საგარეო საქმეთა მინისტრად დანიშნეს. ამის შესახებ ოფიციალურად ბრიტანეთის მთავრობა იტყობინება.

რიში სუნაკის სამთავრობო ცვლილებების ფარგლებში, ყოფილი საგარეო საქმეთა მინისტრი ჯეიმს კლევერლი შინაგან საქმეთა მინისტრად დაინიშნა სუელა ბრავერმანის ნაცვლად.

ბრევერმანი შინაგან საქმეთა მინისტრის თანამდებობიდან მისი საკამათო სტატიის შემდეგ გაათავისუფლეს, რომელშიც მან ლონდონის პოლიცია პროპალესტინის პროტესტის სასარგებლოდ მიკერძოებულობაში დაადანაშაულა.

სუნაკის ოფისმა ორშაბათს განაცხადა, რომ მეფე ჩარლზ III-მ დაამტკიცა კამერონისთვის ლორდთა პალატაში ადგილის მინიჭების შესახებ ინფორმაცია, რაც მას საშუალებას აძლევს დაბრუნდეს მთავრობაში, მიუხედავად იმისა, რომ არ იყო არჩეული პარლამენტის წევრი.

კემერონი შვიდ წელზე მეტია არ იყო პოლიტიკურ სცენაზე მას შემდეგ, რაც 2016 წლის ივლისში, ბრექსიტის რეფერენდუმის შემდეგ, პრემიერ-მინისტრის პოსტი დატოვა.