დიდი ბრიტანეთის კულტურის მდივანმა დაიწყო BBC-ის სამეფო ქარტიის გადახედვა, რომელიც ათწლეულში ერთხელ ხდება და რომლის მიზანია მაუწყებლისადმი ნდობის გაძლიერება და მისი ფინანსურად მდგრად საფუძველზე დაყენება. ინფორმაციას ამის შესახებ ბრიტანული მთავრობა ავრცელებს.
ქარტიის განახლების პროცესის ფარგლებში, მთავრობა განიხილავს ვარიანტებს იმისთვის, რომ BBC-ი მომავალი ათწლეულების განმავლობაში იყოს მდგრადად დაფინანსებული, მოიპოვოს საზოგადოების ნდობა - იყოს დამოუკიდებელი და ანგარიშვალდებული იმ საზოგადოების წინაშე, რომელსაც ემსახურება, წარმოადგინოს გაერთიანებული სამეფოს ყველა თემი და ხელი შეუწყოს ზრდას, შესაძლებლობებსა და კარგ სამუშაო ადგილებს.
„ქარტიის გადახედვა არის შესაძლებლობა, რომ BBC-ი მომავლისთვის მომზადდეს, რათა უზრუნველყოფილი იყოს, რომ ის არა მხოლოდ გადარჩება, არამედ წარმატებით განვითარდება მომავალი ათწლეულების განმავლობაში. მისი მიზანი იქნება იმის უზრუნველყოფა, რომ აუდიტორიას კვლავ ჰქონდეს წვდომა მაღალი ხარისხის ბრიტანულ დრამაზე, გასართობ და საგანმანათლებლო კონტენტზე, ისევე როგორც მსოფლიო დონის ჟურნალისტიკაზე“, - ნათქვამია განცხადებაში.
0
0
