ეს საკითხი ბრიტანეთის პარლამენტის ქვედა პალატაში განიხილეს. პრემიერ-მინისტრის თქმით, დიდი ბრიტანეთი რუსეთის წინააღმდეგ წინასწარ მომზადებულ სანქციებს „ახალი და უპრეცედენტო უფლებამოსილების“ გამოყენებით დანერგავს.

სანქციების სიაში შედის: „ბანკი რასია“, „პრომსვიაზ ბანკი“, „ ბანკი ჩერნომორსკი“, „გენბანკი“ და „ინდუსტრიალნი ბანკი“.

გარდა ამისა, დიდი ბრიტანეთი რუს მილიარდერებს გენადი ტიმჩენკოს, ბორისს და არკადი როტენბერგს პერსონალურ სანქციებს უწესებს. როგორც ბორის ჯონსონმა აღნიშნა, დიდ ბრიტანეთში მათი აქტივები გაიყინება.

ჯონსონის თქმით, ეს არის მხოლოდ ზომების „პირველი ეტაპი“. უკრაინის ტერიტორიაზე რუსეთის სრულმასშტაბიანი შეჭრის შემთხვევაში შესაძლოა დამატებითი სანქციები დაწესდეს.