სტივ უიტკოფი და ჯარედ კუშნერი უახლოეს მომავალში მოსკოვში, ვლადიმერ პუტინს შეხვდებიან. ამის შესახებ „ბლუმბერგი“ წერს.

როგორც გამოცემა ანონიმურ წყაროზე დაყრდნობით იუწყება, შეხვედრა შესაძლოა, მიმდინარე თვეში გაიმართოს, თუმცა თარიღი ჯერ კიდევ არ არის საბოლოოდ შეთანხმებული და შეხვედრის დრო შეიძლება, ირანში განვითარებული მოვლენების გამო შეიცვალოს.

ამასთან, ერთ-ერთი წყაროს ცნობით, გაურკვეველი რჩება, რამდენად არის დაინტერესებული პუტინი ტრამპის გუნდის წარმომადგენლებთან ამ შეხვედრით და, როგორც ჩანს, ეს თარიღის დანიშვნის მთავარი დაბრკოლებაა.

წყაროების ცნობით, პუტინს სავარაუდოდ წარუდგენენ 20-პუნქტიანი სამშვიდობო გეგმის საბოლოო ვერსიას, რომელზეც უკრაინისა და აშშ-ის წარმომადგენლები მუშაობენ.