ბიძინამ რომ მითხრას, მიშა და 5 ათასი კაცის გამოშვებაში დაგვეხმარეო, ყველაფერს გავაკეთებ ამისთვის - სამოთხე გარანტირებული მექნება,- ამის შესახებ „გირჩის“ ლიდერმა, იაგო ხვიჩიამ „ტვ პირველის“ ეთერში განაცხადა.

„პირდაპირ გეუბნებით, სამწუხაროდ, „ქართულ ოცნებას" ჩემთან ასეთი შეთანხმება არ დაუდვია, რომ შენი ხელით გვინდა მიხეილ სააკაშვილი გამოვიყვანოთ, მაგრამ მე მზად ვარ, ასეთი შეთანხმება რომ არსებობდეს, სიამოვნებით მივიღებდი ამის აღსრულებაში მონაწილეობას. ბიძინა რომ მეუბნებოდეს, მიშა და 5 ათასი კაცის გამოშვებას ვაპირებ და შენ ამაში დაგვეხმარეო, ყველაფერს გავაკეთებ ამისთვის, იმიტომ რომ დარწმუნებული ვიქნები, სამოთხე გარანტირებული მაქვს, ისეთი მადლიანი საქმეა 5 ათასი კაცის ციხიდან ახლა გამოშვება",- განაცხადა იაგო ხვიჩიამ.