„ქართული ოცნების" ახალი სახეები გამოირჩევიან განსაკუთრებული არაეთიკურობით, როდესაც ქალ პრეზიდენტზე საუბრობენ, – ამის შესახებ პარტია „სამართლიანობისთვის“ ლიდერმა, ეკა ბესელიამ განაცხადა.

„ბიძინა ივანიშვილს პრაქტიკული უნარები გაცილებით უფრო მეტად აქვს განვითარებული, ვიდრე ამ ყმაწვილებს, რომლებსაც ჰგონიათ, რომ ეტყვიან, ვინმეს მიმართ გამოიჩინე აგრესია, მერე ამას მოუზომავად, უკულტუროდ, ძალიან მდაბიურად გამოხატავენ, საზღვარი არა აქვთ ხოლმე. მგონია, ისინი ვერც კი ხვდებიან, რომ ვიღაცის ხელში შეიძლება, რაღაც ინსტრუმენტი გახდნენ. ვგულისხმობ „ქართული ოცნების" ახალ სახეებს, რომლებიც გამოირჩევიან განსაკუთრებული არაეთიკურობით, როდესაც საუბრობენ ქალ პრეზიდენტზე",- განაცხადა ეკა ბესელიამ "ტვ პირველის" ეთერში.