„რუსეთის მოხალისეთა კორპუსისა“ და ლეგიონის „რუსეთის თავისუფლება“ განცხადებით, მათ ბელგოროდის ოლქში, რუსეთის შეიარაღებული ძალების პოლკოვნიკი ანდრეი სტესევი მოკლეს.

„სტესევი ბრძოლაში დაიღუპა, როგორც ოფიცერი იარაღით ხელში, მაგრამ უნდა ვაღიაროთ, რომ ეს ხელები იდაყვამდე სისხლითაა დაფარული. მისი ბრძანებით, ის და მისი ხელქვეითები სისტემატურად ატერორებდნენ ბელგოროდის ოლქის მოსახლეობას და არღვევდნენ მათ უფლებებსა და თავისუფლებებს. მანამდე სტესევმა მშვიდობიანი მოქალაქეები მოკლა ჩეჩნეთში, იუგოსლავიაში, აფხაზეთსა და უკრაინაში“, - განაცხადა ლეგიონმა „რუსეთის თავისუფლება“.

უკრაინის დაზვერვის სამსახური პოლკოვნიკის პირადობის მოწმობის ფოტოს ავრცელებს.