ბათუმში „ნაციონალური მოძრაობის“ 9 წევრმა, მათ შორის საკრებულოს წევრებმა პარტია დატოვეს.

„ერთიანობის ყველა შანსი ამოვწურეთ, პარტიას ვტოვებთ“, - განაცხადეს ბრიფინგზე „ნაციონალური მოძრაობის“ ბათუმის ორგანიზაციის წევრებმა.

„ყველა მცდელობა იყო განხორციელებული პარტიაში ერთობის შენარჩუნებისთვის, მაგრამ საბოლოო ჯამში მივიღეთ, ის 2025 წლამდე პარტიაში არაფერი შეიცვლება და 2024 წლის ყველაზე მნიშნელოვან და გადამწყვეტ არჩევნებზე პარტია წარდგება ისე, როგორც არის დღეს. ურთულესი გადაწყვეტილების მიღება გვიწევს, მაგრამ ვტოვებთ „ნაცმოძრაობას“. რა თქმა უნდა, ვრჩებით „ვარდების რევოლუციის“ იდეალების ერთგულები და ვაგრძელებთ ბრძოლას ახალი პლატფორმიდან“, - აცხადებს პარტიის უკვე ყოფილი წევრი გიორგი კირთაძე.