ბათუმში, ერთ-ერთი სასტუმროს 22-ე სართულიდან, სავარაუდოდ, უცხო ქვეყნის მოქალაქე გადმოვარდა – როგორც ცნობილია, შემთხვევა დღეს დილით მოხდა. მამაკაცი ადგილზე დაიღუპა.

სასტუმრო კომპლექსის ადმინისტრაცია ფაქტს ადასტურებს, თუმცა კომენტარს არ აკეთებს.

სამართალდამცავები შემთხვევის ადგილას მუშაობდნენ. გავრცელებული ინფორმაციით, კაცი სასტუმრო ნომერში კიდევ ერთ პირთან ერთად იმყოფებოდა.

მომხდარზე გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.