ესპანეთის ჩრდილო-აღმოსავლეთში ორი მატარებელი, ერთმანეთს შეეჯახა,  რომელთაგან ერთი სამგზავროა. მომხდარის შედეგად, 150-ზე მეტი ადამიანი დაშავდა. ამის შესახებ ადგილობრივი მედია წერს.

შემთხვევა, ადგილობრივი დროით, დილის 7:50 საათზე, ბარსელონას მახლობლად, სადგურ Montcada i Reixac-ზე მოხდა. მსუბუქად დაშავდა 150-მდე ადამიანი, 5 ადამიანის მდგომარეობა შედარებით მძიმეა. დაშავებულებს დაზიანებები აღენიშნებოდათ ხერხემლის არეში, ასევე ფეხებსა და ხელებზე.

ამ დროისთვის, სამი ადამიანი გადაყვანილია ბადალონისა და სერდაგნოლის სხვადასხვა სამედიცინო ცენტრში.

ავარიის გამომწვევ მიზეზებს იკვლევენ. გამთენიისას ტერიტორიაზე ძლიერი ნისლი დაფიქსირდა, რამაც შესაძლოა ხილვადობა გაართულა.