ბაქოში, ძებნილის დაკავების მცდელობისას, სროლის შედეგად,  სამი აზერბაიჯანელი პოლიციელი და ერთი მშვიდობიანი მოქალაქე დაიღუპა. მოკლულია მსროლელიც. ამის შესახებ აზერბაიჯანის შინაგან საქმეთა სამინისტრომ და გენერალურმა პროკურატურამ განაცხადეს.

გავრცელებული ინფორმაციით, მსროლელი აზერბაიჯანის მოქალაქე როვშან ალავერდიევია, რომელიც შსს-ს ცნობით, მანამდე რამდენჯერმე იყო ნასამართლევი.

მისი დაკავების მცდელობისას მან, სავარაუდოდ, საპასუხო სროლა დაიწყო და ოჯახის წევრების ზურგს უკან იმალებოდა. ის სროლის შედეგად დაიღუპა. შინაგან საქმეთა სამინისტრო მოკლული პოლიციელების ვინაობას აქვეყნებს. სხვა დეტალები ჯერჯერობით უცნობია.