მინესოტაში გამართულ ღონისძიებაზე, აშშ-ის პრეზიდენტმა ჯო ბაიდენმა ისრაელსა და „ჰამასს“ ბრძოლაში "პაუზის აღებისკენ" მოუწოდა, რათა მძევლების გათავისუფლების შესაძლებლობა გაჩნდეს.

"ვფიქრობ, პაუზა გვჭირდება. პაუზა მძევლების გათავისუფლებისთვის დროის გაჩენის შესაძლებლობას ნიშნავს," - განაცხადა ჯო ბაიდენმა.

მოგვიანებით თეთრმა სახლმა განმარტა, რომ აშშ-ის პრეზიდენტი ჰუმანიტარულ დახმარებას და „ჰამასის“ მიერ აყვანილ 240 მძევალს გულისხმობდა. 

ბაიდენმა დასძინა, რომ სიტუაცია "წარმოუდგენლად რთულია" როგორც ისრაელისთვის, ასევე მუსლიმური სამყაროსთვის.

”მე თავიდანვე მხარი დავუჭირე ორი სახელმწიფოს პრინციპზე დაფუძნებულ გადაწყვეტას. მთავარი ის არის, რომ „ჰამასი“ თავიდან ბოლომდე ტერორისტული ორგანიზაციაა“, - აღნიშნა აშშ-ის პრეზიდენტმა.