CNN-ის ინფორმაციით, აშშ-ის პრეზიდენტის ჯო ბაიდენისა და ყოფილი პრეზიდენტის დონალდ ტრამპის საარჩევნო კამპანიების წარმომადგენლები 2024 წლის საარჩევნო ციკლის პირველი საპრეზიდენტო დებატების ახალ წესებზე შეთანხმდნენ.

CNN-ის წამყვანი ჯეიკ ტეპერი და დანა ბაში დებატებს გაუძღვებიან, რომლებიც ატლანტაში 27 ივნისს გაიმართება. ორივე კანდიდატი შეთანხმდა, რომ ისინი ერთნაირ ტრიბუნასთან დადგებიან და მათი ტრიბუნების პოზიციები მონეტის გადაბრუნებით განისაზღვრება. დებატების განმავლობაში მიკროფონები გამორთული იქნება და მხოლოდ, რიგითობის პრინციპით, ერთ-ერთი კანდიდატის საუბრის დროს ჩაირთვება.

ჯეიკ ტეპერი და დანა ბაში „ცივილიზებული დისკუსიის უზრუნველსაყოფად მათ ხელთ არსებულ ყველა საშუალებას გამოიყენებენ“. 90-წუთიანი დებატები ორ სარეკლამო შესვენებას მოიცავს და კამპანიის მონაწილეები შესვენების დროს კანდიდატებთან ურთიერთობას ვერ შეძლებენ. წინა დებატებისაგან განსხვავებით, ამჟამინდელი დებატები სტუდიის აუდიტორიაში არ გაიმართება.

როგორც ცნობილია, მაისის შუა რიცხვებში, ბაიდენმა და ტრამპმა მიაღწიეს შეთანხმებას, რომ არჩევნების წინ ორჯერ განიხილონ დებატები. ტრამპმა ამ ციკლში პარლამენტის პრაიმერის დებატები გამოტოვა და, სანაცვლოდ, საკამპანიო ღონისძიებებში ჩაერთო.

საყოველთაო არჩევნების კალენდრის მიხედვით, ივნისის დებატები ისტორიულად ადრე ტარდება. მომდევნო დებატები 10 სექტემბერს ABC-ის ეთერში გაიმართება. დებატების ივნისში ჩანიშვნა ბაიდენის კამპანიის მიერ იყო ინიცირებული, რადგან აღნიშნული პერიოდი ევროპის შვიდეულის სამიტიდან პრეზიდენტის დაბრუნებასა და ტრამპის სასამართლო პროცესის დასრულებას ემთხვევა.