აზერბაიჯანის თავდაცვის სამინისტრომ მთიანი ყარაბაღის ტერიტორიიდან რუსული „სამშვიდობო კონტინგენტის“ გაყვანის პროცესის დასრულების შესახებ განაცხადა. ინფორმაციას თავდაცვის უწყება ავრცელებს.

„ჩვენი ქვეყნის ტერიტორიაზე დროებით დისლოცირებული რუსეთის ფედერაციის სამშვიდობო კონტინგენტის აზერბაიჯანის ტერიტორიიდან გაყვანის პროცესი 12 ივნისს დასრულდა“,- ნათქვამია თავდაცვის სამინისტროს განცხადებაში.

როგორც ცნობილია, 17 აპრილს რუსეთმა ყარაბაღიდან თავისი ჯარისკაცების  გაყვანა დაიწყო.

2020 წლის 10 ნოემბერს, აზერბაიჯანის, რუსეთისა და სომხეთის ლიდერებს შორის ხელმოწერილი სამმხრივი განცხადების შედეგად, რუსი სამხედროები ყარაბაღში დროებით განლაგდნენ.