ახალი წლის დღეები საქართველოში - მთელი ქვეყნის მაშტაბით მოსამზადებელი სამუშაოები უკვე თითქმის დასრულებულია. 

63 ქალაქსა და დაბა ბაკურიანში, ყველა ამ დასახლებულ პუნქტში, 24 დეკემბრიდან 13 იანვრის ჩათვლით მოსახლეობას საშობაო ბაზრობა, გასართობი პროგრამები ბავშვებისთვის და კონცერტები იმართება.

ახალი წლის ღამეს კი 63-ივე ქალაქში მოსახლეობისთვის ადგილობრივი და თბილისიდან ჩასული არტისტები იმღერებენ, საღამო კი გრანდიოზული ფოიერვერკით დასრულდება. უკვე თითქმის დასრულებულია ქალაქების ცენტრალურ მოედნებზე საახალწლო ინსტალაციების დამონტაჟება და სცენების მოწყობა.