რამდენიმე წუთის წინ ავტოსაგზაო შემთხვევა მოხდა წყნეთის გზაზე.

როგორც “სფეისნიუსს” თვითმხილველებმა აცნობეს, საგზაო შემთხვევა მოტოციკლის მძღოლის მანევრმა გამოიწვია.

“მოტოციკლის მძღოლმა თითქოს დაამუხრუჭა, თავი ვეღარ შეიკავა, ძირს დავარდა და მსუბუქ მანქანას შეუვარდა. სასწრაფო დახმარება, მართლა, ძალიან მალე მოვიდა, სავარაუდოდ იქვე ახლოს იმყოფებოდნენ. მოტოს მძღოლს ჩაფხუტი ეხურა, რამაც გადაარჩინა. მიიღო მსუბუქი დაზიანება. მას პირველადი დახმარება ექიმებმა ადგილზე აღმოუჩინეს. ექიმების მოსვლის დროს გონებაზე იმყოფებოდა. ადგილზე მობილიზებულია პოლიციაც”, განაცხადეს “სფეისნიუსთან” თვითმხილველებმა.

ამ დროისთვის წყნეთის გზაზე მოძრაობა შეფერხებულია.

დაწყებულია გამოძიებაც.