ავლაბარში მომხდარი მკვლელობის საქმეზე, სასამართლომ ბრალდებული ძმები წინასწარ 2 თვიან პატიმრობაში დატოვა.

მომხდარის შესაძლო მიზეზთან დაკავშირებით ოფიციალური ინფორმაცია კვლავ არ გავრცელებულა.

ბრალდებულები დუმილის უფლებას იყენებენ, თუმცა "კურიერისთვის" ცნობილი გახდა, რომ გამოძიება რამდენიმე ვერსიაზე მუშაობს და მათ შორის ერთი, შურისძიების მოტივია. რადგან ირკვევა, რომ 2020 წელს, მაშინ, როდესაც ერთ-ერთი ბრალდებული სხვა დანაშაულისთვის დააკავეს, მოკლულმა მის წინააღმდეგ ჩვენება მისცა. თუმცა, ამ ვერსიას ბრალდებულების ინტერესების დამცველი კატეგორიულად გამორიცხავს.