ირანში სამგლოვიარო ცერემონია გრძელდება. ავიაკატასტროფაში დაღუპული პრეზიდენტისა და ჩინოსნებისთვის პატივის მისაგებად, თეირანში ათასობით ადამიანია გამოსული. პრეზიდენტის ცხედარი დღეს დილით თეირანის ყველაზე დიდ მეჩეთში გადაასვენეს, სადაც პანაშვიდი გაიმართება. მოსალოდნელია, რომ ლოცვას ირანის უზენაესი ლიდერი, აიათოლა ჰამენეი უხელმძღვანელებს.

ირანის პრეზიდენტს ხვალ მშობლიურ ქალაქ მეშჰედში დაკრძალავენ.

ვერტმფრენი, რომლის ბორტზეც ირანის პრეზიდენტის იბრაჰიმ რაისი და საგარეო საქმეთა მინისტრი ჰოსეინ ამირ აბდოლახიანი იმყოფებოდნენ 19 მაისს ჩამოვარდა, როცა ირანის დელეგაცია აზერბაიჯანიდან ბრუნდებოდა. ჩამოვარდნილი ვერტმფრენი 20 მაისის დილას აღმოაჩინეს. ბორტზე მყოფი ყველა ადამიანი დაიღუპა.