ცოტა ხნის წინ, ახმეტის მუნიციპალიტეტში, ავტოსაგზაო შემთხვევის შედეგად სამი ადამიანი დაშავდა, მათ შორის 14 წლის მოზარდია, რომელმაც შეჯახებისას დაზიანება ქვედა კიდურებზე მიიღო.

ერთ-ერთი დაშავებულის მდგომარეობა კი კრიტიკულად მძიმეა, რომელიც ამ წუთებში თელავის რეფერალური საავადმყოფოდან კატასტროფის ჯგუფს თბილისში გადმოჰყავს. 

ადგილობრივების ინფორმაციით, ერთმანეთს ურთიერთსაწინააღმდეგო მიმართულებით მოძრავი, ორი მსუბუქი ავტომობილი შეეჯახა. შედეგად ერთ-ერთ ავტომობილში მყოფი ორი ძმა და მეორე ავტომანქანის მძღოლი დაშავდნენ. 

ექიმების განმარტებით, ორი დაშავებული მკურნალობას თელავის რეფერალურ საავადმყოფოში გააგრძელებს.

მომხდარ ფაქტზე გამოძიება სისხლის სამართლის კოდექსის 276-ე მუხლით დაიწყო.