ბათუმში, სელიმ ხიმშიაშვილისა და ჭავჭავაძის ქუჩების კვეთაზე ერთმანეთს ორი მსუბუქი ავტომანქანა შეეჯახა, რის შედეგადაც ერთ-ერთი ავტომანქანა ავტობუსის მოსაცდელში შევარდა.

ინფორმაციას გამოცემა "ბათუმელები" ავრცელებს და თვითმხილველზე დაყრდნობით წერს, რომ მსუბუქად დაშავდა ერთი ადამიანი, რომელიც მოსაცდელში იჯდა. მას ნამსხვრევებმა ხელი დაუზიანა, თუმცა კლინიკაში გადაყვანა არ დასჭირდა.

"ბათუმელების" ინფორმაციით,, ავარიაში მოყოლილი ერთ-ერთი მანქანა მონიტორინგისა და ზედამხედველობის სამსახურს ეკუთვნის.