ამერიკის შეერთებული შტატების სახელმწიფო მდივანი ენტონი ბლინკენი ტელეფონით ესაუბრა თურქ კოლეგას, მევლუთ ჩავუშოღლუს. საუბრის მთავარი თემა მიწისძვრის შედეგად დაზარალებული რეგიონებისთვის დახმარების აღმოჩენა იყო. ამერიკის სახელმწიფო მდივანი დაინტერესდა, რა უნდა გააკეთოს შეერთებულმა შტატებმა თურქეთისა და სირიის დასახმარებლად.

ამასთან, ცნობილი გახდა, რომ შეერთებულმა შტატებმა მიწისძვრით დაზარალებული რეგიონებისთვის დამატებით 85 მილიონი აშშ დოლარი გამოყო. ასევე, შეერთებული შტატები მოუწოდებს სირიის პრეზიდენტს, ბაშარ ალ ასადს დაუყოვნებლივ დაუშვას სირიის ყველა სასაზღვრო გამშვებ პუნქტზე ჰუმანიტარული ტვირთი.

თურქეთსა და სირიაში დამანგრეველი მიწისძვრის შედეგად დაღუპულთა რიცხვმა 21 000-ს გადააჭარბა.