ამერიკული იარაღის ექსპორტი გასულ წელს გაიზარდა 16 პროცენტით და მიაღწია რეკორდულ 238 მილიარდ დოლარს. ამის შესახებ აშშ-ს სახელმწიფო დეპარტამენტმა განაცხადა.

ამერიკული სამხედრო აღჭურვილობისა და იარაღის შესყიდვის ყველაზე დიდი გარიგებები გერმანიამ და პოლონეთმა გააფორმეს, რომლებიც უკრაინაში რუსეთის ფართომასშტაბიანი შეჭრის ფონზე ზრდიან და ახდენენ სამხედრო არსენალის მოდერნიზებას. 

პოლონეთმა 12 მილიარდი დოლარი დახარჯა Apache თავდასხმის ვერტმფრენების შესაძენად. ვარშავამ 10 მილიარდ დოლარად შეიძინა HIMARS სარაკეტო სისტემები. გერმანიამ დადო დაახლოებით 9 მილიარდი დოლარის კონტრაქტები Chinook-ის სატრანსპორტო ვერტმფრენების შესაძენად. 

ის ასევე ყიდულობს ამერიკულ ჰაერი-ჰაერის რაკეტებს. ჩეხეთი მიიღებს ამერიკულ მეხუთე თაობის F-35 გამანადგურებლებს. სამხრეთ კორეამ დადო დიდი კონტრაქტები ამერიკული საბრძოლო თვითმფრინავების და ვერტმფრენების შესაძენად.