28/10/2024
17:24
პოლიტიკა
ჩემი აზრით, სამწუხაროდ ამ არჩევნების წაგების მიზეზები ბევრად უფრო ღრმაა, ვიდრე ბანალური გაყალბება. მარცხის მიზეზების გაგებას არა მხოლოდ "გაგვიყალბეს გაგვიყალბეს" ძახილი, არამედ ოპოზიციის ლიდერების და სამოქალო სექტორის მხრიდან განვლილი გზის კრიტიკული ანალიზი სჭირდება, თუნდაც იმ საკითხში, ოთხ პარტიას თქვენი დამკვირვებელ - წარმომადგენლებიან -კომისიიის წევრებიანა, პლუს საკმაოდ კარგად დაფინასბულ სამოქალაქო სექტორის მრავალრიცხოვან სადამკვირვებლო მისიებს ასე როგორ დაგახიეს უბნები თავზე, რომ პროცესში გაყალბების ვერც ერთი ფაქტი ვერ დაიჭირეთ. - ამის შესახებ ექსპერტი თვითმმართველობის საკითხებში ირაკლი მელაშვილი სოციალურ ქსელში წერს.
"ყოველ შემთხვევისთვის გარდა კასპის შემთხვევისა, ვიღაც ბიჭი ქალის პირადობით აძლევდა ხმასო, არჩევნების მიმდინარეობისას, პრაქტიკულად არც ერთი მედიას ასეთი ფაქტი არ გაუშუქებია. უბნებზე ჩხუბებეზე და აყალმაყალზე არ ვასაუბრობ, ამას ჩემი აზრით ხელისუფლება ზოგან ძალითაც კი შეიძლება აწყობდა, იმისთვის რომ ყურადღება კომისიის შენობის გარეთ გადაეტანა, შიგნით კი ის ეკეთებინა რაც უნდოდა.
თუ თვითკრიტიკულები არ იქნებიან ჩვენი პოლიტიკური და ნჯო ბონზები, სხვანაირად მომავალი გამარჯვებები ვერ დადგება. ოღონდ, როგორც კი რაიმე კრიტიკულის საუბარს იწყებ ამ მიმართულებით, იმდენი არანორმალურად გაბერილ ეგოს ეხები და იმდენი არაადეკვატური პატივმოყვარეობით, საკუთარი შეუმცდარობით შეპყრობილი პატარა ბელადუკას გააფრთებულ წინააღმდეგობას აწყდები, პირადად მე იმ დასკვნებამდე მივდივარ, რომ ამ მიდგომებით და ამ ხალხის ხელში შედეგი არ დადგება.
დღეს გავალ აქციაზე, არა იმიტომ რომ იმედი მაქვს რაიმეს ჭკვიანურს შემომთავაზებთ, არამედ იმიტომ, რომ როგორც ერთმა ადამიანმა ჩემი სამოქალაქო პოზიცია დავაფიქსირო იმაზე რაც ხელისუფლებამ გააკეთა 26 ოქტომბერს. უკვე მერამდენედ 35 წლის მანძილზე, ხანდახან საკუთარ თავზე მეცინება, მაგრამ ეს უბრალოდ ჩემს მოვალეობათ მიმაჩნია, თორემ თქვენი იმედი მტერს ექნა.:))))
ვისაც მართლა ცვლილებები უნდა, იმათ პირველ რიგში პოლიტიკურ პარტიებში, სამოქალაქო სექტორში და მედიაში არსებული ვითარების ანალიზი სჭირდებათ. ესაა ის მასალა, რამაც დემოკრატიული სახელმწიფოს შენობა უნდა ააშენო და თუ ამ მასალაში პატივმოყვრეობის, უვიცობის, საკუთარი შეუმცდარობის და არაადეკვატურობის ჭიაა შეპარული, რომელიც ხრავს მას შიგნიდან, ვერაფრით ამ მასალისგან მყარი და ხარისხიანი სახლი ვერ აშენდება. ესაა ჩემი აზრი. ვისაც ეს არ ესმის, არა მგონია რაიმე წარმატებას მიაღწიოს.
მე კი ნამდვილად არ ვაპირებ ვინმესთან ენის მოჩლექით ლაპარაკს, ან იმ "არგუმენტების" მოსმენას, არიქა ახლა კრიტიკით ოპოზიცია არ დავაზარალოთო. აჰა ბატონო, მაგ მიდგომებით, აშკარად მოსაგები არჩევნები წააგეთ. მოსაგები-თქო იმიტომ ვწერ, რომ იმ მუხტის, იმ პროტესტული განწყობების რაც ქვეყანაში იყო ჯერ კიდევ სამი -ოთხი თვის წინ იყო, ასე უნიჭოდ განიავებას მოხერხება უნდოდა.
ამიტომ, მგონია რომ კარგა ხანია უკვე სიმართლის თქმის დროა არა მხოლოდ ხელისუფლებაზე, არამედ აქეთა მხარის შეცდომებზე, ზოგიერთების ჰიპერტროფირებულ, აბსოლუტურად არაადეკვატურ ამბიციებზე, რამაც ბევრი რა გააფუჭა წინასაარჩევნო პერიოდში. ოღონდ, სიმართლის თქმის ანალიზის და არა ერთმანეთის ლანძღვა გინების და წაგების გადაბრალების. მე პირადად ამ გზით ვაპირებ სიარულს და ვედები პერიოდულად გავაანალიზო ის შეცდომები რაც დავუშვით ყველამ ერთად, სად ვიმყოფებით და რა შეიძლება გაკეთდეს ვითარების გამოსასწორებლად. უბრალოდ, ერთი ადამიანის მოსაზრებები იქნება მეტი არაფერი . დარწმუნებული ვარ, ვითარების სერიოზული ანალიზის და სწორი დასკვნების გამოტანის გარეშე მომავალი მარცხები გარდაუვალი იქნება." - წერს ირაკლი მელაშვილი.
0
0