მე მაინტერესებს საქმე და ჩვენი ქვეყნის წინსვლა, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს განუცხადა მიხეილ სააკაშვილზე დასმული კითხვის საპასუხოდ.

კითხვაზე შესაძლოა თუ არა, რომ „ნაცმოძრაობამ“ პრემიერ-მინისტრობის კანდიდატად მიხეილ სააკაშვილი წარადგინოს, ღარიბაშვილმა განაცხადა, რომ პარტიის წევრები არიან „ნიჰილიზმში და იგონებენ ათას რაღაცებს“.

„ვისაუბრე სააკაშვილზე, აღარ ვაპირებდი საუბარს „ნაცმოძრაობაზე“. არიან გაკოტრებულები, დეგრადირებულები, დემორალიზებულები, არიან სრულ ნიჰილიზმში და იგონებენ ათას რაღაცებს - მე არ მაინტერესებს. მე მაინტერესებს საქმე და ჩვენი ქვეყნის წინსვლა“, - განაცხადა ღარიბაშვილმა.