ექსპერტი გია აბაშიძე სოციალურ ქსელში აშშ-ის სახელმწიფო დეპარტამენტის ყოფილი მაღალჩინოსნის და ჯორჯ ბუშის ინსტიტუტის გლობალური პოლიტიკის დირექტორის, დევიდ კრამერის განცხადებას ეხმიანება.

როგორც აბაშიძე აღნიშნავს, არცერთი უცხოელი აქტორის საქმე არაა სუვერენული საქართველოს შიდა საქმეებში ჩარევა. თუმცა, კოლექტიური კრამერებისთვის ნაცსექტიდან მიღებული სარგებელი დემოკრატიის პრინციპებზე უზენაესია.

„როგორც მოსალოდნელი იყო, აგენტოკრატიის ყოველწლიურ შეკრებას თბილისში ახალი გზავნილი დაემატა - კონსტიტუციის დამრღვევი ზურაბიშვილის იმპიჩმენტი "დაუშვებელია". არცერთი უცხოელი აქტორის საქმე არაა სუვერენული საქართველოს შიდა საქმეებში ჩარევა. თუმცა, კოლექტიური კრამერებისთვის ნაცსექტიდან მიღებული სარგებელი დემოკრატიის პრინციპებზე უზენაესია. გააგრძელონ შემდგომი მარგინალიზაცია. მსგავსი 'მესიჯებით' რიგში დგანან სხვა უტიფარი, ვერცხლისმოყვარე, პენსიაზე გასული ცალკეული ამერიკელი ექს-ჩინოსნები თუ მოქმედი ცალკეული ევროპარლამენტარები,“ - წერს აბაშეძე ფეისბუკზე.

ცნობისთვის, კრამერის თქმით, პრეზიდენტის იმპიჩმენტი არ არის სწორი გადაწყვეტილება.

როგორც დევიდ კრამერმა აღნიშნა, ეს არის მთავრობის მხრიდან მცდელობა, ძირი გამოუთხაროს ევროკავშირის წევრობის კანდიდატის სტატუსს.