გიორგი ბაჩიაშვილი წარდგენილ ბრალდებაში თავს დამნაშავედ არ ცნობს და აცხადებს, რომ მას დანაშაული არ ჩაუდენია.

თბილისის საქალაქო სასამართლოში თანაინვესტირების ფონდის ყოფილი ხელმძღვანელის აღკვეთის შეფარდებაზე მსჯელობენ. პროკურატურა 3 მილიონიან გირაოს და ქვეყნიდან გაუსვლელობის ხელწერილს ითხოვს.

„დამნაშავე არ ვარ. დანაშაული არც არასდროს ჩამიდენია. შესაბამისად, გაურკვეველია, რატომ ვარ ამ პროცესში. ერთი პიროვნება მედავება, რომ რაღაც ყოფილა. რაც შეეხება კრიპტოვალუტას, ეს არის ნორმალური ბიზნესი, რითაც დაკავებული ვარ ბოლო 10 წელზე მეტია. არ მესმის, როგორ შეიძლება, ეს იყოს აღქმული დანაშაულად. საზღვრის კვეთის აკრძალვა ჩემს ბიზნესს ძალიან დააზარალებს“, – განაცხადა გიორგი ბაჩიაშვილმა.