"არ უნდა დაგვავიწყდეს, რომ სააკაშვილის საქართველოში შემოპარება დაგეგმა და განახორციელა უკრაინის სამხედრო დაზვერვამ" - ამის შესახებ პარლამენტის თავმჯდომარემ, შალვა პაპუაშვილმა სოციალურ ქსელში დაწერა. ის ამ პოსტით ექსპრეზიდენტ, მიხეილ სააკაშვილისთვის საზღვრის უკანონო კვეთის საქმეზე სასამართლოს დღევანდელ გადაწყვეტილებას გამოეხმაურა.

პაპუაშვილი წერს:

"სააკაშვილის განაჩენის ფონზე, არ უნდა დაგვავიწყდეს, რომ

▪️სააკაშვილის საქართველოში შემოპარება დაგეგმა და განახორციელა უკრაინის სამხედრო დაზვერვამ.

▪️საქართველოში შემოპარებამდე რამდენიმე დღით ადრე, სააკაშვილი იმყოფებოდა ბრიუსელში და შეხვდა ევროკომისიის და ევროპარლამენტის წარმომადგენლებს. ეს იმ დროს, როცა მას უკვე მისჯილი ჰქონდა 6 წლით თავისულების აღკვეთა გირგვლიანის მკვლელობის და გელაშვილის ცემის საქმეებზე." - წერს პაპუაშვი;ი და აზიარებს სასამართლოს მიერ სააკაშვილისთვის სასჯელის მისჯის შესახებ ინფორმაციას.

შეგახსენებთ, რომ მიხეილ სააკაშვილს, საზღვრის უკანონო კვეთის საქმეზე, 4 წლითა 6 თვით თავისუფლების აღკვეთა მიესაჯა, ჯამში კი მას თავისუფლების აღკვეთა 12 წლითა 6 თვით განესაზღვრა