არ არსებობს არანაირი მტკიცებულება იმისა, რომ ირანი ქმნიდა ბირთვულ იარაღს - ამის შესახებ ატომური ენერგიის საერთაშორისო სააგენტოს ხელმძღვანელი, რაფაელ მარიანო გროსი სოციალურ ქსელში წერს:
„მე ვიყავი ძალიან მკაფიო და თანმიმდევრული ჩემს ანგარიშებში ირანის ბირთვული პროგრამის შესახებ: მიუხედავად იმისა, რომ არ არსებობს მტკიცებულება იმისა, რომ ირანი ბირთვულ ბომბს ქმნიდა, მისი იარაღისთვის გამოსაყენებელ დონესთან მიახლოებული გამდიდრებული ურანის დიდი მარაგი და ჩემი ინსპექტორებისთვის სრულ წვდომაზე უარის თქმა სერიოზული შეშფოთების საფუძველია. ამ მიზეზების გამო, ჩემი წინა ანგარიშები მიუთითებს, რომ მანამ, სანამ ირანი არ დაეხმარება @IAEAorg-ს (ატომური ენერგიის საერთაშორისო სააგენტოს) გადაუჭრელი უსაფრთხოების საკითხების მოგვარებაში, სააგენტო ვერ შეძლებს იმის გარანტიას, რომ ირანის ბირთვული პროგრამა ექსკლუზიურად მშვიდობიანია.“ - წერს გროსი.
0
0
