საპარლამენტო პოლიტიკური ჯგუფის "მოქალაქეების" თავმჯდომარე ალეკო ელისაშვილი არ გამორიცხავს, რომ ხელისუფლების შეცვლის შემდეგ, 2008 წლის ომის გამოძიება რეალურად მოხდეს და ყველა დამნაშავე მიეცეს პასუხისგებაში.

მისი შეფასებით, ხელისუფლებას 2008 წლის მოვლენების გამოძიება, 12 წლიანი მმართველობის შემდეგ არ უნდა გახსენებოდა.

"ხელისუფლება რომ შეიცვლება, მერე არ გამოვრიცხავ, რომ ომი მართლა გამოვიძიოთ. ოღონდ, ხელისუფლებაში ყოფნის 12 წლის მერე რომ გაახსენდათ ისე კი არა, რეალურად ვინც დასასჯელია თავიდან ბოლომდე გამოვიძიებთ, ამას არ გამოვრიცხავ ხელისუფლების შეცვლის შემდეგ. ამათ ხელში რა გამოძიება, რა 2008 წელი, აქამდე საღათას ძილით ეძინათ თუ სად იყვნენ?" - განაცხადა ალეკო ელისაშვილმა.