საქართველოს სახალხო დამცველის, ლევან იოსელიანის განცხადებით, "მოქალაქეების" ლიდერი ალეკო ელისაშვილი, რომელიც მთავრობის ადმინისტრაციასთან აქციაზე პოლიციამ ტერიტორიიდან განარიდა, მასთან ერთად არის და თავს კარგად გრძნობს.

ლევან იოსელიანის ინფორმაციით, ალეკო ელისაშვილი მომხდართან დაკავშირებით მოგვიანებით თავად გააკეთებს კომენტარს.

"ალეკო ჩემთან ერთადაა! თავს ნორმალურად გრძნობს, დანარჩენზე თავად ისაუბრებს," - წერს ლევან იოსელიანი სოციალურ ქსელში.

როგორც ცნობილია, გუშინ მთავრობის ადმინისტრაციასთან, პოლიციელებმა ოპოზიციონერი დეპუტატი, ალეკო ელისაშვილი ძალის გამოყენებით პოლიციის მანქანაში ჩატენეს. 

ვიდეოკადრებში ჩანს, რომ ელისაშვილი, სანამ მას მანქანაში ჩატენიან, სახიდან სისხლს იშორებს, თუმცა, რა მოხდა, ეს ჯერჯერობით უცნობია.

ფოტო: არქივიდან