ევროკავშირი მიესალმება უკრაინისა და ამერიკის შეერთებული შტატების ერთობლივ განცხადებას საუდის არაბეთში გამართული შეხვედრის შემდეგ, – ამის შესახებ აღნიშნულია ევროკავშირის მიერ გავრცელებულ განცხადებაში.
განცხადების მიხედვით, ევროკავშირი მზად არის შეასრულოს თავისი როლი მომავალი ნაბიჯების მხარდასაჭერად.
„ევროკავშირი მიესალმება უკრაინისა და ამერიკის შეერთებული შტატების ერთობლივ განცხადებას საუდის არაბეთში გამართული შეხვედრის შემდეგ, მათ შორის წინადადებებს ცეცხლის შეწყვეტის შეთანხმების შესახებ, ჰუმანიტარულ ძალისხმევას და აშშ-ის სადაზვერვო ინფორმაციის გაზიარებისა და უკრაინისთვის სამხედრო დახმარების განახლებას. ევროკავშირი მზადაა, სრულად შეასრულოს თავისი როლი მომავალი ნაბიჯების მხარდასაჭერად, უკრაინასთან, ამერიკის შეერთებულ შტატებთან და სხვა პარტნიორებთან ერთად. ევროკავშირის მიზანია უკრაინის მხარდაჭერა, რათა მიაღწიოს ყოვლისმომცველ, სამართლიან და მდგრად მშვიდობას, რომელიც ეფუძნება გაერო-ს ქარტიისა და საერთაშორისო სამართლის პრინციპებს. ცეცხლის შეწყვეტის წინადადება, თუ რუსეთი მას მიიღებს, შეიძლება იყოს მნიშვნელოვანი ნაბიჯი ამ მიმართულებით. ახლა რუსეთის ჯერია, გამოავლინოს მშვიდობის მიღწევის სურვილი. ევროკავშირი მიესალმება საუდის არაბეთის ძალისხმევას, რომელმაც უმასპინძლა ამ მოლაპარაკებებს“, - აღნიშნულია განცხადებაში.
ასევე წაიკითხეთ:
"ბურთი ახლა რუსეთის მოედანზეა" - მარკო რუბიო აშშ-უკრაინის შეხვედრის შემდეგ
უკრაინა დათანხმდა აშშ-ის წინადადებას, ცეცხლის 30-დღიანი შეწყვეტის შესახებ
უკრაინა მზად არის მშვიდობისთვის, სრული სიმართლის დროა - ვოლოდიმირ ზელენსკი
0
0
