ჩეხეთის რესპუბლიკაში, ქვეყნის აღმოსავლეთში, ლიბაუს სამხედრო პოლიგონზე აფეთქება მოხდა. 

წინასწარი მონაცემებით, დაშავებულია 9 ადამიანი. შემთხვევის ადგილზე სასწრაფო დახმარების მანქანები მივიდა. ორი სასწრაფო დახმარების მანქანით საავადმყოფოში გადაიყვანეს.

ჩეხეთის არმიის სოციალურ მედიაში გამოქვეყნებულ პოსტებში ნათქვამია, რომ აფეთქდა ამოუცნობი ჭურვი. ადგილზე მობილიზებულია სამხედრო პოლიცია.

ლიბაუს სამხედრო პოლიგონი მდებარეობს ქალაქ ოლომოუკთან, პრაღიდან აღმოსავლეთით დაახლოებით 250 კილომეტრში.

როგორც ჩეხეთის რადიო იტყობინება, უკრაინელმა სამხედრო მოსამსახურეებმა პოლიგონზე სროლის, სამედიცინო და ტაქტიკური მომზადება გაიარეს. ტარდებოდა თუ არა წვრთნები ახლა და ვინ მონაწილეობდა მათში, უცნობია.