მისივე თქმით, ოპოზიციის ნაწილი არა არჩევნებისთვის, არამედ, არჩევნების მომდევნო დღეებისთვის ემზადებოდა.

"თავიდანვე ვამბობდით, რომ ოპოზიციის რადიკალური ნაწილი არა არჩევნების დღისთვის, არამედ არჩევნების მომდევნო დღეებისთვის ემზადებოდა. ეს ასეც არის და ამაში ყველა დარწმუნდა. 6 ნოემბერს, 6 საათზე ეცდებიან 6000 კაცი შეკრიბონ. შეეცდებიან რაღაცების გაკეთებას, მაგრამ ყველა ხედავს, რომ არანაირი რესურსი მათ არა აქვთ, არც ქუჩის, არც არჩევნების და არც არაფრის. ძალიან მალე გადავერთვებით საერთოდ სხვა დღის წესრიგზე და ამ პარტიის ხსენება აღარ იქნება ჩვენი მხრიდან ერთი მარტივი მიზეზით: მათი ხსენებაც კი დამაზიანებელია ქართული დემოკრატიისთვის და ზოგადად ჩვენი ქვეყნის განვითარებისთვის", - განაცხადა კობახიძემ.

ცნობისთვის, ოპოზიცია მასშტაბური აქციის გამართვას 6 ნოემბერს, დედაქალაქში გეგმავს.