პალესტინის წითელი ნახევარმთვარის საზოგადოების ინფორმაციით, ალ-ამალის საავადმყოფოს ეზოში ჩვილი გოგონა და 75 წლის ქალი დაკრძალეს. ორგანიზაციის თქმით, ჩვილი და მოხუცი სამედიცინო დაწესებულებაში ჟანგბადის ამოწურვის შემდეგ გარდაიცვალა.

როგორც Aljazeera წერს, ასევე ღაზას ჩრდილოეთით მდებარე ერთ-ერთი სკოლის ეზოში გადაყრილი, მინიმუმ, 30 გვამი აღმოაჩინეს.

„როდესაც სკოლის ეზოს ვასუფთავებდით, ნანგრევების გროვა დაგვხვდა. შოკირებულნი ვიყავით, როცა ამ გროვის ქვეშ დამარხული ათობით გვამი ვიპოვეთ. გვამები შავი პლასტმასის პარკებში იყო გახვეული. მათ თვალები და ხელ-ფეხი პლასტმასის მანჟეტებით და თასმებით ჰქონდათ შეკრული“, - თქვა ერთ-ერთმა თვითმხილველმა.