17/12/2022
13:07
პოლიტიკა
ჩვენ ვაპირებთ, ყველაზე გრძელი ელექტროენერგიის კაბელი ავაგოთ, ეს არის ინოვაცია, მე რომ ვიყო 30 წლით ახალგაზრდა, ვიტყოდი, რომ ეს არის ნამდვილი როკენროლი, რომ ყველაზე გრძელი კაბელი იდება შავი ზღვის ფსკერზე, – ამის შესახებ უნგრეთის პრემიერ-მინისტრმა, ვიქტორ ორბანმა კლაუს იოჰანისმა კოტროჩენის სასახლეში განაცხადა, სადაც აზერბაიჯანის, საქართველოს, რუმინეთისა და უნგრეთის მთავრობები გააფორმებენ დოკუმენტს, რომელიც ეფუძნება ამ ქვეყნების ინტერესებს და უკავშირდება ენერგეტიკულ უსაფრთხოებას.
როგორც ვიქტორ ორბანმა აღნიშნა, მეზობელ ქვეყნებში, რუმინეთში, უნგრეთში სერიოზული ენერგოკრიზისი მიმდინარეობს, რაც არის როგორც მიწოდების, ასევე ფასების კრიზისი.
„მე რუმინეთში 18 წლის შემდეგ ჩამოვედი და განსაკუთრებული ცვლილებები დავინახე, ძალიან თვალშისაცემია წინსვლა და ვულოცავ ქვეყანას ამ პროგრესს. ეს განვითარება ცხადყოფს, რომ ნამდვილად დამსახურებულია რუმინეთის წევრობა შენგენის ზონაში. ჩვენ მცდარი გადაწყვეტილება მივიღეთ ევროკავშირში და ეს მცდარი გადაწყვეტილება უნდა გამოსწორდეს და რუმინეთი რაც შეიძლება მალე უნდა გახდეს ამ ზონის წევრი. გარწმუნებთ, რომ რუმინელი მეგობრები ნამდვილად უნდა იყვნენ ჩვენს იმედზე, ჩვენ ამას მივაღწევთ.
რაც შეეხება არსებულ მდგომარეობას, ისეთი დამაბნეველია ეს სიტუაცია, რომ ასეთი არც გვახსოვს ჩვენს სამეზობლოში. მეზობელ ქვეყნებში, რუმინეთში, უნგრეთში, სერიოზული ენერგოკრიზისი მიმდინარეობს, რაც არის როგორც მიწოდების, ასევე ფასების კრიზისი, ამავდროულად, მთელი ევროპული ეკონომიკა, ინფლაციის გამოწვევის წინაშე დგას და ევროპელ ლიდერებს მოსწონთ თუ არ მოსწონთ, მოუწევთ გადაწყვეტილების მიღება და არჩევანის გაკეთება რუსულ ან ევროპულ ეკონომიკაზე. ამავდროულად, ჩვენ უპრეცედენტო ზომები გვაქვს განსახორციელებელი ბაზრების დასაცავად, იმასთან შედარებით, რაც ოდესმე გვქონია. ეკონომიკის ისტორიაც ცხადყოფს, რომ ევროპაში როდესაც ხდება იაფი ენერგიის იმპორტი და ნედლეულის იმპორტი რუსეთში, ეს უკვე წარსულ ჩაბარდა და აწმყოს აღარ ეკუთვნის. ჩვენ ეკონომიკური ზრდა და უსაფრთხოება უნდა დავაფუძნოთ ახალ ძალისხმევას, ახალი სტრატეგია არ გვქონდა, ახლა ჩვენ გვაქვს სტრატეგიული შეთანხმების ხელმოწერის ღონისძიება და ჩვენ ლიდერებმა უნდა უზრუნველვყოთ ის, რომ ჩვენს ერებს, ჩვენს ქვეყნებს მივცეთ ეკონომიკური და ენერგოსუაფრთხოება. ჩვენ შევიკრიბეთ დღეს რამდენადაც შევთანხმდით, რომ ეს არის გამოსავალი. ჩვენ გამოვავლინეთ განახლებადი ენერგორესურსები, როგორც მომავლის გზა, დივერსიფიკაცია მხოლოდ იქამდეა ოცნება, ვიდრე ფიზიკური მდგომარეობა და ურთიერთჩართვა არ იქნება მიღწეული. ევროპის ტერიტორიაზე გონივრულ საზღვრებში კასპიის ზღვიდან გვაქვს ეს ენერგორესურსი მოწოდების შესაძლებლობა და ევროკომისიის ძალისხმევითა და ხელშეწყობით აზერბაიჯანიდან წამოვიდა თანამშრომლობის ინიციატივა. მიხარია, რომ აზერბაიჯანი და პრეზიდენტი ალიევი ყოველთვის ღია იყვნენ ევროკავშირთან თანამშრომლობის იდეის მიმართ.
მე ყოველთვის შემიძლია, ვთქვა, რომ ევროკავშირს ყოველთვის შეუძლია, ენდოს აზერბაიჯანს როგორც სანდო პარტნიორს და მომწოდებელს. ჩვენ შეგვიძლია, უნიკალური ინვესტიცია განვახორციელოთ მთელ მსოფლიოში გავლენის მოსახდენად და როდესაც გაიზრდება იმპორტი, ეს იქნება სასურველი, გადაწყვეტა ამ პრობლემისა. ჩვენ ვაპირებთ, ყველაზე გრძელი ელექტროენერგიის კაბელი ავაგოთ, ეს არის ინოვაცია, მე რომ ვიყო 30 წლით ახალგაზრდა, ვიტყოდი, რომ ეს არის ნამდვილი როკენროლი, რომ ყველაზე გრძელი კაბელი იდება შავი ზღვის ფსკერზე.
მადლობა მინდა გადავუხადო ჩვენს მეგობრებს აზერბაიჯანში, საქართველოში და რუმინეთში და ევროკომისიის პრეზიდენტს იმისთვის, რომ დღეს გვაქვს საშუალება ხელი მოვაწეროთ ამ შეთანხმებას ენერგოსექტორში“, – განაცხადა ორბანმა.
0
0